«Жасай бер, Қазақстаным» атты вокалдық сайыс өтті
22 сәуір күні Астананың 20- жылдығы мен Павлодар облысының 80- жылдығына орай, Павлодар облысы Қазақстан халқы ассамблеясының этномәдени бірлестіктернің шығармашылық ұжымдарының арасында «Жасай бер, Қазақстаным» вокалдық сайысы өтті. Іс-шарасы «Болашаққа бағдар- рухани жаңғыру» бағдарламасы аясында өткізілді.
Байқаудың мақсаты - ұлттық бірлікті нығайтудағы маңызды фактор ретінде мемлекеттік тілді оқыту және көпшілікке тарату, этномәдени бірлестіктерінің шығармашылық ұжымдарының шеберлігін жоғарылату. Байқауға Сафронова Юлия – фин-угор этномәдени бірлестігінің, «Вир» неміс бірлестігінің вокалдық тобы, «Ярило» Славян мәдени орталығының вокалдық ұжымы, «Ариран» корей бірлестігінің вокалдық ансамблі, «Чишмя» татар-башқұрт бірлестігінің вокалдық ұжымы, тәжік этномәдени бірлестігінің вокалдық ансамблі, «Сеспель» чуваш бірлестігінің вокалдық ұжымы, «Маргаритари» грек бірлестігінің вокалдық ансамблі және «Туған жер» финн-уғор бірлестігінің вокалдық тобы қатысты.
- Біздің еліміз гүлдене берсін, Астанамыздың 20- жылдығы құтты болсын, Павлодар облысымыздың 80- жылдығы мерейі асып, осындай жастарымызбен, ұлттарымыз аман-есен боп, тек елімізді мақтан етіп әніне қоса берсін,- деп атап өтті өз сөзінде Б.Ш.Максилова.
- Баршаңызды Павлодар облысының 80- жылдығы, Елордамыз Астанамыздың 20- жылдығы мерейтойларымен құттықтаймын. Шығармашылық ұжымдар бүгін өте тамаша өнер көрсетті, қазылар алқасы сайысты барынша әділ бағалауға тырысты. Бірінші кезекте мемлекеттік тілде ән айтылып жатқандықтан, тіл тазалығына ерекше көңіл бөлінді,- деді қазылар алқасының мүшесі А.Оралхан.
Байқаудың қорытындысы бойынша Сафронова Юлия, «Вир» неміс этномәдени бірлестігінің қатысушылары, «Чишмя» татар- башқұрт бірлестігінің және «Сеспель» чуваш бірлестігінің белсенді қатысушылары жоғары марапатқа ие болды. «Көрермендер көзайымы» номинация бойынша «Маргаритари» грек этномәдени вокалдық ансамблі марапатталды.
Үшінші орынды «Туған жер» атты фин-уғор этномәдени бірлестігінің вокалдық тобы иеленді, екінші орын- «Ярило» Славян мәдени орталығының вокалдық тобына бұйырды, ал бірінші орынға «Ариран» корей этномәдени бірлестігінің вокалдық ансамблі ие болды.
Тәжік этномәдени бірлестігінің вокалдық шығармашылық тобы гран-при иегері болып атанды.
Фото
Фото
Фото
Фото
Фото
Фото
Фото
Фото
Фото
Фото
Фото
Фото
Фото
Н.А.Назарбаев
Қазақстан халқы Ассамблеясының төрағасы
